Policia në Florida kanë marrë në pyetje personin e armatosur i cili dyshohet se ka vrarë 5 njerëz dhe ka plagosur 8 në aeroportin “Fort Lauderdale” të Floridas.
I dyshuari është identifikuar nga policia si 26 vjeçar, Esteban Santiago, një veteran i luftës në Irak, shkruan BBC, transmeton Gazeta Express.
Zyrtarët thonë se nuk kanë përjashtuar mundësinë se ai kishte motiv për terrorizëm.
Mediat amerikane thonë se njeriu mund të ketë qenë i shqetësuar mendërisht. Ai thuhet se kishte thënë se qeveria po e kontrollon mendjen e tij, dhe se e bëri atë të shikojë video të xhihadistëve.
Sulmuesi hapi zjarr në zonën e bagazheve në Terminalin 2 të këtij aeroporti.
Pas sulmit me armë, ai u dorëzua në polici.
I dyshuari, kishte të veshur një bluzë më mbi shkrimin “Star Wars”, bluzë kjo e një filmi të famshëm, dhe thuhet se ka udhëtuar nga Alaska për në Florida.
