Një dizajnere, e cila ka qenë e lidhur me Jay Z në të kaluarën, ka bërë një koment disa orë pas nxjerrjes së albumit të ri të Beyonce – duke mbështetur akuzat se ajo është gruaja misterioze që mund të ketë hyrë në mes të çiftit të famshëm.

Në albumin e ri të këngëtares, “Lemonade”, një këngë trajton gjerësisht punën e tradhtisë dhe Beyonce i referohet disa herë mungesës së besnikërisë bashkëshortore.

Në tekstin e këngës, ajo aludon se burri i saj, Jay Z, mund ta ketë gënjyer dhe përmend një femër zeshkane.

Dhe tashmë po qarkullojnë spekulime se është fjala për dizajneren Rachel Roy, e cila ka publikuar një postim duke iu referuar këngës dhe fansat e Beyonce po e akuzojnë se ajo është femra që ka pasur aferë me reperin e famshëm. /Telegrafi/