Të paktën 52 persona janë vrarë sot gjatë luftimeve në Siri, në të cilat xhihadistët, pjesëtarë të ISIS okupuan një sërë fshatrash në veri të Sirisë, njoftoi Opservatori për të drejtat e njeriut i Sirisë, me seli në Londër.

Xhihadistët kanë marrë 8 fshatra ndërmjet qytetit hale dhe kufirit turk, të trimëruar nga sukseset në Irakun fqinj, shton Opservatori.

Pjesëtarët e ISIS gjatë luftimeve vranë 40 pjesëtarë të grupeve rivale rebele dhe zunë rob edhe së paku 50 të tjerë, si hakmarrje ndaj humbjes së 12 luftëtarëve të saj.

Si transmeton agjencia franceze e lajmeve AFP, ISIS tash mban nën kontroll pjesët më të mëdha të provincave Raka dhe Deir Ezor në luginën e lumit Eufrat.

Sipas Opservatorit sirian, marrja e këtyre fshatrave paraqet potez strategjik që do ti hapë rrugën për përparim të mëtejshëm drejt qyteteve Marea dhe Azaz/Lajmi.net/.