“Kryeministrja serbe me shumë kujdes dëgjon dhe ndjek komentet e publikut, por nuk do të marrë vendime nën presion”, është thënë në një deklaratë nga Zyra e Kryeministres Brnabiq.

Deklarimi është bërë pas publikimit të informacioneve jozyrtare në të cilat përmendeshin emrat e dy ministrave që mund të shkarkohen, ministri i Mbrojtjes në Serbi, Aleksandar Vulin, si dhe ai i Kulturës, Vladan Vukosavjleviq, transmeton Indeksonline.

Sipas këtyre raportimeve, Vukosavleviq nuk ka dhënë ndonjë përshtypje të mirë pas zgjedhjes dhe Vulin do të shkarkohet pas dyshimeve lidhur me blerjen e apartamentin.

Portali ‘KRIK’ ka raportuar se ministri Vulin nuk mund të provojë origjinën e parave, që kishte regjistruar si të ardhura dhe se ato që ka deklaruar nuk janë të mjaftueshme për të blerë një apartament të tillë.