Zyrtarë të Ukrainës thonë se një oficer i lartë rajonal i sigurisë është vrarë nga eksplodimi në veturën ku gjendej ai, në qytetin Mariupol, në pjesën juglindore të Ukrainës
Shërbimi i sigurisë së Ukrainës ka njoftuar se koloneli, Oleksandr Kharaberyush, ishte vrarë në makinën e tij sot në mëngjes.
Autoritetet “do të bëjnë çdo gjë të mundur për t’i gjetur dhe ndëshkuar ata që janë të involvuar”, ka thënë ky shërbim.
Shefi i policisë rajonale në Donjeck, Vyacheslav Abroskyn, ka shkruar në rrjetin Facebook se hetimet lidhur me këtë eksplodim kanë filluar.
Sipas tij, hetuesit nuk e përjashtojnë mundësinë që kjo ishte vepër e separatistëve, që i kontrollojnë pjesë të rajoneve Donjeck dhe Luhansk./rel/
