Policia e Kosovës ka shqiptuar një dënim ndaj një personi në rrugën “Gasper Karaqi” në Gjakovë, pasi kishte drejtuar veturën me shpejtësi trefish më të lartë, 175 km/h ku kufizimi ishte 50.

Sipas një njoftimi të Policisë së Kosovës për rajonin e Gjakovës, shoferit të automjetit i është shqiptuar gjoba prej 500 euro.

Tutje në njoftim bëhet e ditur se përveç gjobës, atij ju është shqiptuar masa mbrojtëse ndalim i të drejtuarit të mjetit me veprim motorik në kohëzgjatje prej së paku një viti, si dhe pesë pikë negative.

“Drejtoria Rajonale e Policisë-Gjakovë apelon tek të gjithë qytetarët që të jenë kontribuues në respektimin e rendit dhe qetësisë publike si dhe rritjes së sigurisë në rrugë”, thuhet në njoftim. /Telegrafi/