Volkswagen mund të prezantojë SUV elektrik ID.4 në mars ose prill të vitit 2020 dhe do të ketë dy variante modelesh.

Volkswagen me siguri tashmë po planifikon lëshimin e SUV-it të ri të saj elektrik ID.4.

Revista Automobilwoche raporton se prezantimi do të zhvillohet më 4 mars në Gjenevë, transmeton Telegrafi.

Platforma britanike Autocar, nga ana tjetër, ka treguar se prilli mund të jetë muaji i mundshëm për prezantimin e kësaj makine në New York Motor Show.

ID.4 bazohet në sistemin modular të makinës elektrike (MEB) me të cilin Volkswagen dëshiron të pajisë gjithsej 27 modele të automjeteve elektrike deri në vitin 2022.

Volkswagen pret të shesë gjithsej dy milionë kopje në të gjithë botën të makinës së saj E-SUV.

Dy modele

Janë planifikuar dy variante të automjetit. Përveç E-SUV, një SUV Coupe gjithashtu do të dalë në treg. Ende ka spekulime për emrat e modelit. Autocar raporton se E-SUV mund të ketë emrin ID.4, ndërsa varianti i SUC Coupe mund të quhet ID.5.

Varianti i dytë i modelit nuk duhet të paraqitet në të njëjtën kohë me E-SUV, por vetëm më vonë gjatë të njëjtit viti. Në 2021, gjithashtu do të nisë një version i fuqishëm “GTX” i SUV Coupe. Detajet e performancës së ID.4 nuk dihen ende. /Telegrafi/