Gjatë dy ditëve të vikendit vendi ynë do jetë nën ndikimiin e masave të ngrohta të ajrit me origjinë nga Afrika e Veriut.

Sipas Institutit Hidrometeorologjik të Kosovës, në këto kushte do të mbajë mot kryesisht me diell. Temperaturat minimale do të lëvizin ndërmjet 11-13 gradë Celsius, kurse maksimalet e ditës do të lëvizin ndërmjet 29-31 gradë Celsius, transmeton Telegrafi.

Shtypja atmosferike do të jetë normale duke i ruajtur këto vlera edhe për një periudhë kohore. Indeksi UV do të jetë mbi vlerat e normales, kështu që preferohet nga ora 10-16 të mos ekspozohemi rrezeve direkte të diellit. Do të fryjë erë e lehtë deri mesatare nga drejtimi i verilindjes.