Komuna e Lipjanit është duke u përballur me një problem serioz veçmas në këtë vit.

Vjedhjet e shtëpive janë ato që janë shtuar në mas të madhe, raporton gazetablic.com

“Në Lipjan është rritur numëri i vjedhjeve të shtëpive. Është shqetësuese, vidhen nga 6 shtëpi përnjëherë. Hajnat marrin çdo gjë me vlerë dhe largohen pa i vërejtur askush nga banorët. Ata duket se janë profesionistë për vjedhje”, kështu i ka thënë Gazetë Blic një qytetar i kësaj komune në kushte anonimiteti.

Pas raportimit të qytetarit, Gazeta Blic mënjëherë ka kontaktuar policinë regjionale të Prishtinës dhe një gjë të tillë e kanë konfirmuar edhe ata.

“Raste të vjedhjeve të shtëpive kemi pasur të raportuara dhe si përgjigje ndaj kësaj, policia ka ndërmarrë veprime të shtuara operative të cilat janë kombinuar edhe me ato të hetimit që kanë rezultuar  me uljën në mase të madhe të  vjedhjeve të shtëpive. Ndërkohë që është duke u punuar në identifikimin e të dyshuarve sipas informative të marrura nga tereni”, ka thënë policia, raporton gazetablic.com

Për vjedhje të shtëpive si të dyshuar janë arrestuar 5 persona, por të njëjtit janë liruar mënjëherë pas intervistimit, thuhet më tej në përgjigjen e PK-së, dhënë Gazetës Blic.