LVV e Lipjanit sot ka zgjedhur kryetarin e ri.
Sipas një njoftimi të bërë nga kjo lëvizje thuhet se Selatin Retkoceri është kryetari i ri i degës në Lipjan.
Retkoceri është magjistër i Shkencave Ekonomike, ai ka kryer trajnime të shumta ndërkombëtare në fushën e ekonomisë. Për një periudhë shumëvjeçare ka qenë edhe profesor i lëndëve ekonomike. Në periudhën 2000-2001 ka qenë nënkryetar i Komunës së Lipjanit. Ka qenë auditor i brendshëm në MTI dhe poashtu drejtor i departamentit të Administratës Publike dhe Buxhetit në këtë ministri. Retkoceri është këshilltar financiar dhe trajnues i certifikuar për disa fusha të ekonomisë.