Modelet e reja që i përkasin edicionit Series.Grey, nuk e kanë vetëm ngjyrën ndryshe prej paraardhëseve
Derisa modelet e tanishme të WRX dhe WRX STI kanë nisur të vjetrohen, Subaru është duke bërë të pamundurën për t’i mbajtur në qendër të vëmendjes, transmeton Telegrafi.
Për këtë arsye, të njëjtat modele i ka nxjerrë në edicionin e quajtur Series.Grey dhe vijnë në një ngjyrë gri të hapur, megjithëse, shumica po mendojnë se është një e kaltër e lehtë.
Seria është e limituar në 750 njësi për WRX, teksa WRX STi do të ketë vetëm 250 njësi.
Për dallim prej modeleve të tanishme, të rejat do ta kenë të integruar Performance Package, ndërsa në brendi i kanë ulëset Recaro.
Karriga e shoferit është më e veçanta, pasi mund të përshtatet në tetë mënyra të ndryshme.
Rrotat me 18-inch, i kanë kapakët m përfundime të zeza, teksa pedalet e frenit dhe gazit janë nga Jurid.
Tavani transparent është larguar, por janë shtuar disa drita LED si dhe të tjera që janë speciale për mjegull, ndërsa ndezja bëhet me butonin për start.
Modelet që dalin në shitje gjatë vjeshtës, kanë edhe çmime mjaft ekonomike, pasi WRX do të kushtojë 27.600 euro, teksa WRX STI 33.700 euro. /Telegrafi/
