Dhjetëra mijëra persona janë urdhëruar të evakuohen nga shtëpitë e veta sot në verilindje të Japonisë, pasi shirat e mëdha kanë shkaktuar vërshime të mëdha dhe i kanë ndërprerë linjat hekurudhore, njoftojnë autoritetet japoneze.
Stuhia vjen pas shirave të furishëm në jugperëndim të Japonisë në fillim të këtij muaji, ku si pasojë vdiqën 25 persona, transmeton Express.
Gati 25.000 persona në prefekturën Akita janë urdhëruar të evakuohen dhe 65.000 të tjerë janë këshilluar të largohen apo të përgatiten për t’u larguar nga kjo zonë.
Disa linja të trenit janë suspenduar nga dhe për në Akita si pasojë e shirave të mëdha./Express/
