Pas shumë debatash në SHBA, Malik Obama postoi online një kopje të asaj që pretendon se është certifikata e lindjes e vëllait.

Në certifikatë thuhet se Barack Obama ka lindur në Mombasa të Kenias.

Kundërshtarët e ish-presidentit, me në krye presidentin aktual Donald Trump, e kanë akuzuar se ai nuk ka lindur në SHBA, por në Afrikë.

Më vonë Trump tha se Obama ka lindur në SHBA.

Një dokument i tillë është publikuar edhe më parë, por është cilësuar fals.

Malik Obama nuk u ndal, pasi deklaroi edhe mbështetjen për Donald Trump.

“Nuk jam më vëllai i parë i SHBA. Zoti është i Madh”.

“Çfarë do të bëjë Barack Obama që nuk e bëri për familjen e tij”, shkruan ai në Twitter.

Malik Obama jeton në Kenia dhe është nënshtetas amerikan.

Mendohet se ai ka nga 3 deri në 12 gra për shkak të ligjit të poligamisë në Kenia.

Malik pretendon se Barack nuk ka bërë mjaftueshëm për të ndihmuar të afërmit e tij.

“Ai mund të na dërgonte ndonjë para. Unë jap para nëse ma kërkojnë. Prandaj është familja. Ne nuk jemi mirë financiarisht, edhe pse njerëzit mendojnë se jemi”.

Po ashtu supozohet se Malik është zemëruar me vëllanë e tij pasi ai ndihmoi në largimin e sundimtarit të Libisë, Muammar Gaddafi, me të cilin Malik kishte miqësi.