Po ashtu takime lidhur me planifikim të buxhetit është mbajtur edhe me banorët e fshatit Ribar i Madh, Zllakuqan, Kraishtë, Buajn, Bregu i Zi dhe Varigoc.
Latif Ramadani Drejtor për Buxhet dhe Financa gjatë këtyre takimeve ka prezantuar Projekt Buxhetin Komunal për vitet 2019-2020 duke bashkëbiseduar me banorët për mundësitë e përfshirjes së kërkesave të tyre në planifikimin Buxhetor.

Qytetarët e pranishëm në këto takime konsultative, kanë parashtruar kërkesa nga më të ndryshme, dhe në njëjtën kohë kanë marr përgjegjje nga përfaqësuesit komunal.
Përmes këtyre takimeve me qytetarë nëpër vendbanime, synohet që të arrihet nxjerrja e prioriteteve që kanë vendbanimet, në mënyrë që përmes kërkesave të marra drejtpërdrejt nga qytetarët dhe grupet tjera të interesit, të hartohen prioritetet për investimet kapitale, njofton Komuna.