Të paktën 352 civilë janë vrarë në sulmet e koalicionit ushtarak të udhëhequr nga SHBA-ja kundër caqeve të ISIS-it në Siri dhe Irak, qëkur operacioni filloi në vitin 2014, njofton ushtria amerikane.
Task Forca e Përbashkët, në vlerësimin e saj mujor të vdekjeve të civilëve nga operacionet e koalicionit të udhëhequr nga SHBA-ja kundër grupit militant, ka thënë se ende është duke i vlerësuar edhe 42 raporte për vdekje të civilëve, transmeton Express.
Numri i përgjithshëm i vrasjeve të civilë i dhënë nga ushtria amerikane është shumë më i vogël se ai i grupeve monitoruese.
Grupi monitorues Airwars thotë se më shumë se 3.000 civilë janë vrarë nga sulmet ajrore të koalicionit.
“Neve na vjen keq për humbjet e paqëllimshme të jetëve të civilëve… u shprehim ngushëllime familjeve dhe të gjithë të prekurve nga këto sulme”, ka thënë Pentagoni në një komunikatë./Express/