Ulëset e partive në Kuvend nëpërmjet grafikoneve

PUBLIKUAR

Koalicioni parazgjedhor PDK-AAK-Nisma (PAN) në Parlamentin e Kosovës pritet t’i zënë 39 ulëse, duke u bazuar në mbi 34 për qind të votave të përgjithshme të fituara në zgjedhjet e së dielës.

Tetë deputetë më pak se koalicioni i “Krahut të luftës” pritet t’i marrë lëvizja “Vetëvendosje”, e cila ka garuar e vetme në zgjedhjet e 11 qershorit.

Ky subjekt politik ka qenë befasia e këtyre zgjedhjeve pasi që ka fituar mbi 27 për qind të votave të përgjithshme, duke e lënë mbrapa koalicionin LDK-AKR.

 

Këta të fundit do t’i zënë 30 ulëse në Kuvendin e Kosovës, pasi që kanë fituar rreth 25,7 % të votave të përgjithshme.

Nëse këto rezultate krahasohen me zgjedhjet parlamentare të vitit 2014 del se koalicioni PAN ka humbur mbi 90 mijë vota, pasi në zgjedhjet e mëparshme PDK-AAK-Nisma kishin rreth 330 mijë vota, ndërsa në zgjedhjet e së dielës nuk kanë arritur t’i marrin as 240 mijë vota.

Lëvizja “Vetëvendosje” ka bërë revolucion në këto zgjedhje.

Duke krahasuar me zgjedhjet parlamentare të vitit 2014 kur kishin më pak se 100 mijë vota, të dielën ky subjekt politik ka arritur t’i fitojë rreth 190 mijë vota, duke i dyfishuar kështu votat.

Ndërsa koalicioni LDK-AKR në zgjedhjet e 11 qershorit ka arritur t’i marrë rreth 180 mijë vota.

Vetëm LDK-ja në zgjedhjet e vitit 2014 kishte rreth 185 mijë vota dhe nëse i shtohen edhe votat e AKR-së ky koalicion para tre vjetësh kishte rreth 220 mijë vota apo 40 mijë vota më shumë se më 11 qershor 2017.

Gazeta “Express” ka raportuar gjatë ditës së diel se nga 20 vendet e rezervuara për minoritetet, Lista Serbe i ka fituar 8 mandate në Kuvend, ndërsa SLS-ja dhe partia e Aleksandër Jabllanoviqit nga një vend.

KDTP-ja nga votuesit e saj ka rezervuar 3 ulëse,  Vakat 2, ndërsa pesë parti të tjera të komuniteteve tjera që jetojnë në Kosovë nga vetëm një mandat.

Image

SHIKO MË SHUMË

Erëra të forta dhe reshje shiu, ky do të jetë moti sot në Kosovë

Instituti Hidrometeorologjik i Kosovës (IHMK) ka paralajmëruar se dita e sotme, e enjte, do...

‘‘UÇK, UÇK’’, thirrjet e qytetarëve teksa Jakup Krasniqi largohet nga shtëpia pas vizitës në Kosovë

Jakup Krasniqi ka përfunduar vizitën e tij që e zhvilloi sot në Kosovë. Krasniqi qëndroi...

Presidentja reagon pas aktgjykimit të Speciales, ngrit shqetësime për respektimin e të drejtave të palëve

Presidentja Justina Shiroka-Pula ka regauar pas shpalljesa së aktgjykimit e sotëm në Dhomat e...