Nënkryetari i Komunës së Lipjanit, Diamant Bytyqi sot ka nënshkruar memorandum bashkëpunimi me Valentin Hoxha, drejtor i Fondacionit për Zhvillim të Qëndrueshëm Ekonomik – PREDA Plus për implementimin e projektit “INTEGRA-Nxitja e riintegrimit të qëndrueshëm lokal të grave, të rinjve dhe njerëzve të cenueshëm lokal në Kosovë”, njofton Komuna e Lipjanit.
Qëllimi i këtij Memorandum është që të sigurojë një kornizë bashkëpunimi ndërmjet palëve për zbatim sa më të suksesshëm të projektit, do të mbështeten të kthyerit dhe popullsia që konsiderohet e cenueshme, për një fillim të ri në vendin e tyre, duke ju mundësuar kështu, që përmes ngritjes së kapaciteteve punësimit dhe vetëpunësimit, do t’ju mundësoj atyre të gjenerojnë të ardhura për familjet e tyre dhe të ndërtojnë jetën e tyre në Kosovë.
Financimi i Projektit bëhet nga Ministria Gjermane për Bashkëpunim dhe Zhvillim Ekonomik, ndërsa realizohet përmes Preda Plus dhe WEntrepreneur dhe mbështetet nga ASB.