Kuvendi i Komunës së Lipjanit gjatë ditës së sotme nën udhëheqjen e kryesuesit Daut Azemi ka zhvilluar punimet e seancës së gjashtë me radhë.
Të pranishëm në këtë mbledhje ishin kryetari i Komunës Imri Ahmeti, drejtor të Drejtorateve, përfaqësues të shoqërisë civile, media etj.
Në fillim të kësaj seance, Kryetari Imri Ahmeti ka elaboruar raportin e punës për vitin 2017, ku dhe ka dhënë sqarime dhe informata shtesë për çështjet e ngritura nga ana e asambleistëve rreth këtij raporti.
Përgjatë kësaj mbledhje anëtarët e Kuvendit kanë shqyrtuar duke aprovuar këto pika të rendit të ditës si: Propozim Vendim për ndryshimin e titullarit të paluajtshmërisë P-7140904400846-10 nga P.Sh shkolla bujqësore Lipjan në P.Sh Kuvendi Komunal Lipjan për ndërtimit e tregut të gjelbërt, Propozim Vendim për dhënien e pelqim për ndryshimin e segmentit rrugor “Bejtush Gërbeshi”, në kuadër të zonës urbane lindore “ZUL-5”, në Lipjan, Propozim Rregullore për ndryshimin dhe plotësimin e Rregullores për taksat komunale 15Nr.011-17239 të datës 05.04.2016, Propozim Vendim për miratimin e planit të veprimit për transaprencë të Komunës, Propozim Vendim për dhënien e pëlqimit për ndarjen e mjeteve financiare për fermer, Propozim Vendim për miratimin e nismës së bashkësisë së Frascineto nga Italia për binjakëzim ndërmjet Komunave të Italisë Civita dhe Frascineto me komunat e Republikës së Kosovës, Lipjanit dhe Fushë Kosovës, Propozim Vendim për autorizimin e kryetarit të Komunës për përfaqësimin e Komunës së Lipjanit mbi vendosjen e bashkëpunimit komunal ndërkombëtar, ndërsa pika e fundit e cila ishte propozuar për diskutim dhe aprovim në këtë mbledhje rreth propozim Vendimit për caktimin e lokacionit për ndërtimin e Xhamisë në fshatin Llugaxhi u shty për mbledhjet e ardhshme të Kuvendit.