Presidenti i ShBA, Donald Trump ka thënë se NATO ‘nuk është më e dalë nga përdorimi’ duke përmbysur kështu një qëndrim të tij që alarmoi aleatët.
Duke pritur Sekretarin Gjeneral të NATO, Jens Stoltenberg në Shtëpinë e Bardhë, Trump ka thënë se kërcënimi nga terrorizmi ka theksuar rëndësinë e kësaj aleance, shkruan BBC, transmeton Klan Kosova.
Ai ka ftuar NATO-n për të bërë më shumë për të ndihmuar Irakun dhe Afganistanin si partnerë.
Trump ka ripërsëritur pyetjen rreth synimeve të NATO, duke u ankuar se ShBA paguan pjesë të padrejtë të anëtarësimit.
“Sekretari Gjeneral dhe unë kishim një diskutim produktiv se çfarë NATO mund të bëjë në luftën kundër terrorizmit”, ka thënë Trump.
“Ankesa ime ishte se nuk ka pasur ndryshime të mëdha për shumë kohë dhe tash ata duhet të punojnë ta luftojnë terrorizmin”.
“Kam thënë se NATO ka dalë nga përdorimi. Por nuk është më e dalë nga përdorimi”, ka thënë Trump.
