Presidenti i Shteteve të Bashkuara, Donald Trump, ka shprehur optimizëm të matur për përmirësim të mundshëm të marrëdhënieve me Korenë Veriore, pas disa muajve tensionesh së rritura për shkak të programeve të saj të armëve bërthamore dhe raketave balistike.
Trump ka thënë se respekton faktin se lideri i Koresë Veriore, Kim Jong Un, ka filluar t’i respektojë ata, transmeton Express.
“E respektoj faktin se ai ka filluar të na respektojë,” ka thënë Trump për Kim.
Trump tha mbrëmë gjatë një tubimi në Arizona se mbase diçka pozitive mund të vijë.
“Mbase – ndoshta jo – por mbase – diçka pozitive mund të vijë,” ka thënë Trump.
