Presidenti i SHBA-së, Donald Trump, thotë se disponimi në Shtëpinë e Bardhë është fantastik përkundër vështrimeve intensive të bashkëpunimeve të tij të dyshuara me Rusinë.
Trump ka thënë për Reuters se Administrata e tij është duke funksionuar për bukuri, transmeton Express.
Presidenti po ashtu e ka mbrojtur të birin, pasi ka dalë se ai ishte takuar me një avokate ruse gjatë fushatës zgjedhore në SHBA.
Mediat amerikane e përshkruajnë Shtëpinë e Bardhë si një rrëmujë për shkak të kësaj çështjeje. Një aleat i Trumpit madje e ka quajtur atë uragan të kategorisë së pestë, raporton Washington Post.
Donald Trump Jr. u takua me Natalia Veselnitskaya duke besuar se ajo kishte informata që do ta dëmtonin rivalen e babait të tij, Hillary Clinton.
Trump Jr ka thënë për Fox News se takimi ishte hiç kurrgjë dhe humbje e 20 minutave kohë, por e pranoi se do ta kishte trajtuar atë ndryshe.
Kritikët thonë se ai mund ta ketë shkelur ligjin federal.
