Presidenti i SHBA-së, Donald Trump, do të flasë sot me liderët e Singaporti dhe Tajlandës rreth kërcënimit që Koreja Veriore e përbën për shkatërrim masiv dhe bërthamor në Azi, ka thënë shefi i stafit i Shtëpisë së Bardhë, Reince Priebus.
“Kemi nevojë për bashkëpunim në një nivel me sa më shumë partnerë në këtë fushë për t’u siguruar se i kemi gjerat të organizuara mirë,” ka thënë Priebus për ABC, transmeton Express.
Trump bisedoi dje përmes telefonit me homologun e vet filipinas, Rodrigo Duterte, për Korenë Veriore. Ndërsa qasjes e tij ndaj liderëve rajonalë ka për qëllim që t’i bëjë të gjithë që ta përkrahin një plan të veprimit nëse situata në Korenë Veriore përkeqësohet, ka shtuar Priebus.
Ai ka thënë se Trump është në kontakt të vazhdueshëm me kryeministrin e Japonisë, Shinzo Abe dhe se është bërë shumë i afërt me presidentin kinez, Xi Jinping./Express/
