Milot Rashica do të rikthehet pas dy muajsh nga lëndimi.

Mesfushori kosovar kishte lënduar kofshën në nëntor dhe prej asaj kohë nuk ka zhvilluar asnjë ndeshje zyrtare.

Trajneri i Werder Bremen, Florian Kohfeldt e ka konfirmuar që Rashica do të rikthehet të shtunën.

“Ai do të jetë në skuadër për takimin ndaj Augsburgut. Gjëja më e rëndësishme është që Rashica ndihet shëndosh dhe mirë dhe mund të arrijë nivelin e lartë të fitnesit. Rikthimi i tij do të jetë shtytje për ne” deklaroi Kohfeldt.

Ndryshe, Werder Bremen është i interesuar që ta shesë mesfushorin vushtrrias në këtë afat kalimtar, por ende nuk ka ardhur oferta e duhur.

/Indeksonline/