Veton Nurkollari, drejtor artistik i Festivalit Ndërkombëtar i Filmit Dokumentar dhe atij të Shkurtër, DokuFest, ka bërë të ditur se përgatitjet për “DokuFest” tashmë janë në fazën përfundimtare.
Ai ka thënë se programi i sivjetmë, pos asaj me të cilën ky festival identifikohet, do të ketë një ndërthurrje ndryshe nga ç’e kemi parë deri sot.
“Programi i filmave pak a shumë është gati, tash punojmë edhe në programe të tjera sepse e kemi një kombinim tepër interesant se çfarë do të ketë këtë vit”, ka bërë të ditur Nurkollari.
Njëkohësisht në edicionin e këtij viti, DokuFest-it i shtohet edhe një program që ka për qëllim avancimin e lidhjes mes teknologjisë dhe filmit.
Edicioni i 13-të i DokuFest do të mbahet nga data 16-24 gusht në Prizren.
