Prodhuesi japonez Toyota, modelin e parë Crown e ka lansuar më 1955 dhe pas 14 gjeneratave të suksesshme, pritet ta kthejë sërish.

Me shumë ndryshime, shtesa teknologjike dhe strukturë të veçantë, ky model i ri do të prezantohet në Tokyo Motor Show, transmeton Telegrafi.

Vetura që është e gjerë vetëm 1.80 metër, do të ketë mundësi të përkryera manovrimi, që të lëvizë me lehtësi në trafik të dendur.

Ende nuk janë bërë të ditura detajet, por thuhet se ky Crown është krijuar që të rivalizojë Lexus ES, që është një makinë luksoze shumë e kërkuar në treg. /Telegrafi/