Në fillim të një takimi në Jerusalem me sekretarin e përgjithshëm të OKB-së, Antonio Guterres, Netanyahu e ka akuzuar Iranin se po e shndërron Sirinë në një bazë ushtarake si pjesë e synimit të saj të ditur për ta çrrënjosur Izraelin, transmeton Express.

“[Irani] po ashtu është duke ndërtuar zona për prodhimin e raketave precize në Siri dhe Liban. Këtë gjë Izraeli nuk mund ta pranojë. Këtë gjë nuk duhet ta pranojë as OKB-ja,” ka thënë Netanyahu.

Irani, armiku i madh i Izraelit, është përkrahës i patundur i presidentit të Sirisë Bashar al-Assad dhe i ka ofruar luftëtarë për t’i ndihmuar atij në luftën civile të Sirisë.

Irani ende nuk ka dhënë ndonjë koment në lidhje me deklaratat e Netanyahut.