Aeroplanët luftarakë të Forcës Ajrore Mbretërore të Britanisë e kanë shoqëruar një aeroplan udhëtarësh të kompanisë ajrore “Ryanair” nga Lituania për në Londër, pas një kërcënimi të sigurisë që doli të ishte i rremë.
Aeroplani po udhëtonte nga Kaunas, Lituani për në aeroportin “Luton”, por u detyrua të ndërrojë rrugë dhe të aterojë në “Stansted” të Londrës, shkruan AP, përcjell Express.
Agjencia ajrore “Ryanair” thotë se aeroplani ndërroi kurs pasi autoritetet lituane morën një kërcënim të dyshuar të sigurisë.
Policia në Essex të Anglisë ka thënë se incidenti nuk besohet se është situatë rrëmbimi apo çështje terrori. /Express/
