Situata në Juventus ka filluar të tensionohet pas humbjes tronditëse të bardhezinjve kundër Beneventos, pasi raportohet se patroni i klubit Andrea Agnelli dhe trajneri Andrea Pirlo janë kacafytur në zhveshtoren e Allianz Stadium.
Zemërimi dhe hidhërimi shpërtheu pas përfundimit të ndeshjes në Allianz Stadium, pasi Juventusi e bëri një hap të madh prapa në luftë për titull në Serie A, transmeton Gazeta Express.
Bardhezinjtë tani ngelin 10 pikë prapa liderit, Inter, dhe kanë pikë të barabarta me Atalantën por i kanë vetëm dy pikë më shumë se vendi i pestë, Napoli.
Kjo ishte disfata e katërt e sezonit për Juventusin dhe erdhi ndaj një skuadre që nuk kishte shijuar fitoren në 11 ndeshjet e fundit në ligë.
Gazeta me bazë në Torino, “La Stampa” raporton se baritma dhe fyerje janë dëgjuar brenda zhveshtores së Juventusit pas ndeshjes, gjë që konfirmon tensionin e lartë në skuadrën torineze.
Për më tepër, sipas të përditshmes italiane, patroni Agnelli dhe trajneri Pirlo u kacafytën mes vete.
Juventusi, që e ka arritur finalen e Kupës së Italisë ku do të përballet me Atalantan, është eliminuar nga Liga e Kampionëve tashmë dhe gjasat për titull në Serie A i ka minimale duke e parë epërsinë dhe formën e Interit. /Gazeta Express/
