Të moshuarit janë duke e shpenzuar kohën dhe paratë kot duke konsumuar suplemente të kalciumit dhe vitaminës D në mënyrë që t’i parandalojnë sëmundjet e eshtrave, thonë hulumtimet e reja.

Duket se ka shumë pak dëshmi se suplementet ju mbrojnë ndaj frakturave të ijëve dhe thyerjes së eshtrave tjerë, transmeton Telegrafi.

Udhëheqsja e këtij studimi, Dr. Jia-Guo Zhao, thotë se rutina ep përdorimit të këtyre suplementeve është e panevojshme në mesin e të moshuarve.

Sipas saj, është koha të ndalni përdorimin e tyre.

Megjithatë, vlen të ceket se jo të gjithë ekspertët pajtohen me rekomandimin e saj.

Dr. Daniel Smith, kirurg ortopedik, thotë se përfitimi potencial i përdorimit të suplementeve të kalciumit dhe vitaminës D në parandalimin edhe të një numri të vogël të frakturave të ijëve nuk duhet të anashkalohet.

Organizatat e ndryshme të shëndetësisë u rekomandojnë femrave të moshës 50 vjet ose më të reja dhe meshkujve 70 vjet ose më të ri të marrin 1,000 miligramë (mg) kalcium në ditë.