A mbajnë aromë jashtëzakonisht të keqe gazrat tuaja? Atëherë mos keni frikë më sepse tani ekziston një mënyrë përmes së cilës gazrat tuaja do të mbajnë aromën e ajrit të freskët.

Mantaret, e quajtura Flat-D, janë deodorizues për gazra stomaku të cilat mund t’i ngjitni në të brendshmet tuaja, e të cilat garantojnë se gazrat do t’ju mbajnë aromë si të nenexhikut, transmeton Telegrafi.

Mantaret e përdorin fuqinë e qymyrit të drurit si një absorbues arome.

Sajti zyrtar i këtij produkti është i mbushur me slogane të ndryshme, si “Probleme me gazrat? Atëherë udhëtoni me vetëbesim!”, “Pa turp në vend të punës” etj.

Kompania gjithashtu ua rikujton njerëzve se zhurmën e gazrave mund ta fshihni duke shkaktuar një zhurmë tjetër më të madhe, por asnjëherë nuk mund ta fshihni aromën e keqe të gazrave.

Mantaret e tilla mbajnë çmimin 16.95 dollarë! /Telegrafi/