Ministrja për Dialog, Edita Tahiri dhe kryetari i Kuvendit Komunal të Mitrovicës, Agim Bahtiri janë parë duke pirë kafe në lokalin ‘Dolce Vita’ i cili ndodhet në veriun e Mitrovicës.
Ata janë parë duke biseduar në kafenenë, pronë e qytetarit me kombësi serbe.
Në një prononcim për Telegrafin, Agim Bahtiri, tha se po bisedojnë për procesin e revitalizimit të urës së Ibrit.
“Jam ende në takim. Ky takim është shumë normal. Jemi në këtë kafe ngaqë është pikë strategjike e jona. Po bisedojmë për procesin se si po shkon tutje”, tha ai duke shtuar se janë duke biseduar në qetësi pa i shqetësuar askush.
