Gjatë fundjavës pritet të mbajë mot kryesisht me vranësira të shpërndara dhe me diell. Temperaturat do të jenë relativisht të ulëta, sidomos gjatë orëve të mëngjesit, kur pritet të ketë vlera negative. Të shtunën, më 7 nëntor, temperaturat minimale do të lëvizin nga -3 deri në 0°C, ndërsa ato maksimale nga 6 deri në 11°C. Era do të fryjë nga veriperëndimi me shpejtësi 1–4 m/s. Edhe të dielën, më 8 nëntor, do të mbajë mot i ngjashëm, me vranësira të shpërndara dhe intervale me diell. Temperaturat minimale do të zbresin nga -4 deri në -1°C, ndërsa maksimalet do të shënojnë vlera nga 8 deri në 12°C. Era do të fryjë nga verilindja me shpejtësi 1–3 m/s. Në përgjithësi, fundjava do të karakterizohet nga mot i qëndrueshëm, me alternime të vranësirave dhe diellit, mëngjese të ftohta dhe temperatura më të buta gjatë ditës. Era do të jetë e lehtë, pa ndonjë ndikim të theksuar në kushtet e motit.
E SHTUNË – 07.11.2026
Mot me vranësira të shpërndara dhe me diell. Në mëngjes në shumë zona parashihet të ketë mjegull në orët e hershme të mëngjesit.
Tmin -3°C – 0°C | Tmax 6°C – 11°C
Era: Veriperëndimi · 1–4 m/s
E DIEL – 08.11.2026
Mot me vranësira të shpërndara dhe me diell. Në disa zona të ulëta parashihet të paraqitet dukuria e mjegullës.
Tmin -4°C – -1°C | Tmax 8°C – 12°C
Era: Verilindja · 1–3m/s KUSHTET BIOMETEOROLOGJIKE
Kushtet biometeorologjike gjatë fundjavës do të jenë kryesisht të mira dhe relativisht të favorshme. Megjithatë, temperaturat e ulëta gjatë orëve të mëngjesit mund të ndikojnë në ndjesinë e të ftohtit, veçanërisht te personat e ndjeshëm ndaj ndryshimeve të motit, të moshuarit dhe personat me sëmundje kronike. Gjatë ditës, me paraqitjen e intervaleve me diell, pritet të ketë kushte më të përshtatshme për aktivitete në ambient të hapur KUSHTET AGROMETEOROLOGJIKE
Kushtet agrometeorologjike do të karakterizohen nga temperatura të ulëta, sidomos gjatë natës dhe orëve të hershme të mëngjesit, kur në disa zona mund të paraqitet rrezik për ngrica të lehta. Këto kushte kërkojnë kujdes të shtuar për kulturat bujqësore të ndjeshme ndaj temperaturave të ulëta. Gjatë ditës, temperaturat më të larta dhe intervalet me diell do të krijojnë kushte relativisht të favorshme për punët në bujqësi. Rekomandohet që fermerët të kenë parasysh mundësinë e ngricave gjatë orëve të mëngjesit.
