Sveçla thotë se pati informacione për mjete shpërthyese në 72 shkolla

PUBLIKUAR

Ministri i Brendshëm i Kosovës, Xhelal Sveçla, ka bërë të ditur që sot ka pasur informacione për mjete shpërthyese në 72 shkolla e të cilat kanë dalur të rrejshme.

Ai shton se autoritetet përgjegjëse kanë qenë të shpejta në reagimin e tyre në të gjitha komunat, sikur ato me shumicë shqiptare, edhe ato me shumicë serbe.

“Në Policinë e Kosovës sot janë dhënë informacione për mjete shpërthyese në 72 shkolla në komunat Kamenicë, Lipjan, Zveçan, Graçanicë, Skenderaj, Prizren, Prishtinë, Klinë, Viti, Rahovec, Mitrovicë e Veriut, Ranilluk, Dragash, Artanë, Shtërpcë, Partesh, Fushë Kosovë, Vushtrri, Gjilan, Zubin Potok, Istog dhe informacioni i fundit në Aeroportin e Prishtinës “Adem Jashari””, thotë ai.

“Njësitet relevante të Policisë së Kosovës kanë dalur menjëherë në lokacionet e lajmëruara duke bërë fillimisht rrethimin e zonave e pastaj kontrollin e detajuar të objekteve. Situata ka qenë shqetësuese sidomos kur bëhet fjalë për institucione arsimore të të gjitha moshave, por fatmirësisht, në asnjërin lokacion nuk ka pasur mjet shpërthyes. Tashmë kanë përfunduar kontrollet edhe në aeroport dhe nuk ka pasur asnjë mjet shpërthyes, puna ka vazhduar me intensitetin e njejtë”, sthon ai.

Tutje minsitri bën thirrje që të ketë qetësi dhe se nuk ka vend për panik.

“Dua të siguroj të gjithë qytetarët se nuk ka asnjë arsye për panik apo për t’u shqetësuar. Ne mbesim të përkushtuar që me të gjitha kapacitetet tona, përmes të gjithë mekanizmave tanë të ofrojmë siguri për të gjithë qytetarët pa asnjë dallim në tërë territorin e Republikës së Kosovës”, përfundoi ai. /Gazeta Express/

LAJME TË TJERA

Rritja alarmante e rasteve me Covid-19, Instituti del me një apel për qytetarët

Pas rritjes alarmante të rasteve me Covid-19 në Kosovë, Instituti Kombëtar i Shëndetësisë Publike...

MASHTI distancohet nga përzgjedhja e anëtarëve të Këshillit Drejtues të UP-së

Ministrja e Arsimit, Shkencës dhe Teknologjisë, Arbërie Nagavci, ka deklaruar se ministria që drejton...

Bashkësia Islame e Kosovës nënshkruan marrëveshje për pranimin e 25 tonë hurmave nga Arabia

Kryetari i Bashkësisë Islame të Kosovës, Naim Tërnava, ka pritur në takim ambasadorin e...

Mbappe bëhet shkak i largimit të Neymarit nga PSG-ja?

Nuk ka paqe në shtëpinë e Paris Saint-Germainit. Pas vazhdimit të kontratës së Kylian Mbappes...

SHIKO MË SHUMË

Arrestohen dy persona në Lipjan

Policia Kosovës ka njoftuar se janë arrestuar dy të dyshuar një femër dhe  një...

Armend Grajqevci zgjedhet Kryetar i Forumit Rinor të LDK-së

Në një atmosferë festive sot u mbajt Kuvendi XI-të i Forumit të Rinisë të...

Zgjatet orari punës në sektorin e gjendjës civile në Komunën e Lipjanit

Me vendim të Kryetarit të Komunës së Lipjanit, Imri Ahmeti nga sot zgjatet e...