Raftet e supermarkteve në Ukrainë janë lënë bosh që kur shpërtheu lufta me Rusinë, shtatë ditë më parë.
Imazhet nga Melitopol, të marra tre ditë pas fillimit të pushtimit, tregojnë se në markete pothuajse nuk ka asgjë nëpër rafte.
Në një video të postuar dje në Snapchat shihet një market në Lviv që është tërësisht i zbrazur, shkruan Skynews, transmeton IndeksOnline.
Qytetarët madje nuk po marrin asnjë lajm nga menaxherët e tyre se kur mund të furnizohen ato.
Ndërsa në Kiev, njerëzit raportojnë se nuk kanë qasje në fruta, perime, bukë dhe “furnizime të tjera bazë”. Kuptohet se dyqanet e kafshëve shtëpiake po mbarojnë gjithashtu./IndeksOnline/