Autoritetet belge njoftojnë se policia i ka arrestuar katër person në një seri bastisjesh në Bruksel, të lidhura me sulmin e dështuar me bombë në stacionin hekurudhor këtë javë.
Zyra e Prokurorit Federal njofton se katër persona janë arrestuar gjatë bastisjeve në lagjen “Molenbeek”, ku shumë ekstremistë kanë jetuar apo kaluar përmes, si dhe në Anderleht dhe Koekelberg, transmeton Express.
Nuk është bërë e ditur nëse ndonjë gjë është konfiskuar gjatë bastisjeve. Kjo zyre nuk ka dhënë detaje tjera.
Bastisjet vijnë pasi një burrë e shpërtheu një mjet të martën në Stacionin Qendror të Brukselit, i cili dështoi të shpërthente tërësisht.
Sulmuesi u vra më pas nga ushtarët. Askush tjetër nuk është plagosur.
