Keds ka njoftuar qytetarët e fshatrave Torinë, Dobrajë e Madhe, Qylagë, Poturoc, Medvec, Vërshec, Magurë se nga nesër do të ketë shkyqje me asistim të Policisë së Kosovës.
Nëpërmjet një njoftimi që kanë vendosur në shtyllat elektrike të këtyre fshatrave bëhet e ditur se “KEDS është i gatshëm për të siguruar energji elektrike për të gjithë konsumatorët që paguajnë. KEDS nuk mund të sigurojë energji elektrike për ata konsumatorë, që nuk paguajnë Faturat e tyre. Njoftoheni se me datën 21.07.2016 do të bëjmë Shkyçje me asistim të Policisë së Kosovës në Fshatin tuaj, te ata Konsumatorë të cilët nuk kanë paguar”, transmeton LipjaniNews.com
Po ashtu KEDS ka lutur të gjithë konsumatorët që ta bëjnë pagesën e energjisë elektrike që mos të vijë deri te shkyçja nga Rrjeti
“Ju lutem, të bëni pagesën e energjisë elektrike që mos të vijë deri te shkyçja nga Rrjeti.Afati për pagesë ka qenë deri me datë 08.07.2016. Pasë kësaj date ju mund të jeni objekt i shkyçjeve të rënda duke iu konfiskuar kabllot dhe njehsorët elektrik. Çdo rikyçje ilegale, do të procedohet për Gjykatë. Pagesat e energjisë elektrike mund të bëhen edhe në të gjitha sportelet e Postës së Kosovës, Western Unionit, Banka, pa pagesë shtesë.”, thuhet në këtë njoftim që është vendosur nëpër këto fshatra, transmeton LipjaniNews.
LipjaniNews mëson se pas këtyre shkyçjeve KEDS do të vazhdoj edhe në fshatra të tjera në territorin e Komunës së Lipjanit.
FotoLipjaniNews.com
