Sony i befasoi shumë këtë viti duke prezantuar një makinë prototipi elektrike.

Sony bëri një prototip edhe më herët për të shfaqur teknologjinë e tyre në botën e automobilave, kështu që ata vendosën të bëjnë makinën e tyre dhe ta hedhin në treg, transmeton Telegrafi.

Ajo është një veturë që ka një motor të dyfishtë prej 200 kW, një i montuar në pjesën e përparme dhe tjetri në skajin e pasëm të automjetit. Arrin 100 km / orë në 4.8 sekonda dhe ka një shpejtësi maksimale 240 km / orë.

Vision-S, siç quhet ky model makine, ka 33 sensorë të ndryshëm që sigurojnë drejtim autonom, por edhe mundësi të tjera, siç është njohja e njerëzve brenda dhe jashtë automjetit, raporton PCpress.

Njohja e njerëzve në automjet lejon që çdo drejtues i njohur të rregullojë automatikisht parametrat e drejtimit ashtu siç preferon ai person. Dhe sigurisht, pasi është Sony, shumë vëmendje i kushtohet argëtimit në makinë.

Makina përmban 360 Reality Audio me altoparlantë në secilën nga katër mbështetëset, si dhe një ekran panoramik. /Telegrafi/