Buja në një prononcim ka thënë se janë formalitete të gjykatave për me thënë se kanë ndjek zyrtar të lartë shtetëror apo komunal, për të evidencuar antikorrupsioni se po ndjek dhe po shqiptohen dënime pa marr parasysh se çfarë dënime janë.

“Në fjalën time përfundimtare kamë thënë se nuk qon peshë në qoftse më dënoni apo jo, por më qon pesh që ju ta thoni të vërteten se si është dhe për çka po dënohem, ku pritet edhe emërimi im, sepse është krejt çështje politike”, ka thënë Shukri Buja.

Avokati i Shukri Bujës, Bahtir Troshupa, pati vërejtje në vendimin e gjykatës dhe paralajmëroi ankesë ndaj vendimit.

“Nuk na është mundësuar që ta marrim në pyetje përfaqësuesin e Agjensionit Kundër Korrupsionit, ndërsa në një mënyrë vetëm sa për ta mbuluar formalisht kanë marrë një deklaratë jo-formale prej agjensionit, megjithëse edhe ata konform ligjit nuk kanë të drejtë ta përfaqësojnë agjensionin”, tha Troshupa.