Shtetet e Bashkuara bllokojnë Organizatën Botërore të Tregtisë

PUBLIKUAR

LAJME TË TJERA

Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë

Kryeministri i vendit, Albin Kurti po vazhdon të tregojë disa nga të arriturat e...

Arrestohen tre persona për veprat penale me narkotikë, sekuestrohen 34 mijë euro, armë e drogë

Policia e Kosovës në dy raste të ndara ka kryer kontrolle dhe arrestuar tre...

Pengimi i funksionimit të rendit tregtar botëror dhe i Organizatës Botërore të Tregtisë nga Shtetet e Bashkuara ka shkuar në një nivel tjetër të martën për shkak se ky organ tashmë e ka humbur aftësinë për të ndërhyrë në luftërat tregtare në botë. Kjo gjë e ka vënë në rrezik të ardhmen e organizatës me seli në Gjenevë.

Dy vjet pasi e filluan bllokimin e emërimeve, Shtetet e Bashkuara më në fund do ta paralizojnë Trupin e Apelit të kësaj organizate, i cili e ka funksionin e një gjykate supreme për çështjet e tregtisë ndërkombëtare. Kjo gjendje do të shkaktohet pas largimit të dy prej tre anëtarëve të këtij organi, duke e pamundësuar marrjen e vendimeve legjitime.

Kështu, disa mosmarrëveshje të mëdha tregtare, përfshirë konfliktin e Shteteve të Bashkuara me Kinën dhe taksat për metalet, të vendosura nga presidenti amerikan, Donald Trump, nuk do të mund të zgjidhen më përmes Organizatës Botërore të Tregtisë.

Analistët thonë se kjo gjendje nënkupton kthim në periudhën e marrëveshjeve të paqëndrueshme pas Luftës së Dytë Botërore. Organizata Botërore e Tregtisë ishte themeluar në vitin 1995 pikërisht për zgjidhjen e këtyre problemeve.

Ambasadori i Bashkimit Evropian në këtë organizatë, Joao Aguiar Machado, tha para përfaqësuesve të tjerë në Gjenevë se paralizimi i Trupit të Apelit paraqet rrezik për krijimin e një sistemi marrëdhëniesh ekonomike të bazuar në fuqi e jo në rregulla.

Ndryshe, Organizata Botërore e Tregtisë, pjesë e së cilës janë 164 shtete, ka dështuar të arrijë ndonjë marrëveshje ndërkombëtare që nga përfundimi i negociatave të Doha-s në vitin 2015, shkruan “Reuters”, transmeton Gazeta Express.

SHIKO MË SHUMË

Zbulohet se sa do të jetë “kostoja ditore” nga shembja e urës në Baltimore

Shembja e urës Francis Scott Key në Baltimore pasi u godit nga një anije...

Bursa e Turqisë goditet nga një tërmet 5.1 ballë, u ndje edhe në Stamboll

Sipas informacioneve në faqen e Presidencës së Menaxhimit të Fatkeqësive dhe Emergjencave (AFAD), një...

Reshjet e mëdha të borës pengojnë udhëtimet në Gjermani, Zvicër dhe Austri, qindra fluturime janë shtyrë ose anuluar

Reshjet e dendura të borës kanë ndikuar në ndërprerjen e udhëtimeve në Gjermaninë jugore...