Pas vapës së nxehtë të verës dhe plazheve pafund mes ujit me kripë, në fillim të muajit shtator flokët paraqiten në gjendje të mjeruar dhe kanë nevojë për “rimëkëmbje”.
Shampua që përdorni në flokët tuaj nuk duhet të jetë shumë agresive, sidomos nëse i lani shpesh.

Përzgjidhni formula delikate dhe në rastin e flokëve të lyer përdorni shampo speciale.

Masazhi gjatë larjes me shampo duhet të jetë i butë dhe duhet të shoqërohet me shpëlarje të mirë me ujë jo shumë të nxehtë.
Pas larjes së flokut siç informon noa.al është e rëndësishme të përdoret një produkt ushqyes për flokët, mund të jetë një balsam i thjeshtë i cili duhet mbajtur disa minuta në flokë ose një maskë e cila duhet përdorur dy herë në javë.

Vetëm me përdorimin e rregullt të këtyre produkteve do arrini të rimëkëmbni flokët tuaj të dëmtuar.

Pasi janë larë flokët duhet tharë në mënyrë delikate dhe nuk duhet përdorur shpesh tharësja.

Nëse flokët vijojnë të jenë të thatë një vaj regjenerues për majat do i kthente të butë, i cili duhet të hyjë thellë në pjesët e dëmtuara.