Vazhdojnë të përgjaken rrugët e Shqipërisë. Një 15-vjeçar ka humbur jetën pasditen e sotme, pasi është përplasur nga një makinë.

Ngjarja ka ndodhur në fshatin Zenisht të Matit, ku 15-vjeçari është përplasur për vdekje nga një makinë.

Burime nga policia bëjnë me dije se djali me iniciale M.M, po udhëtonte me biçikletë në rrugët e fshatit ku është përplasur nga një mjet tip fouristradë, që drejtohej nga një bashkëfshatar i tij.

Si pasojë e përplasjes 15-vjeçari ka marrë plagë të rënda dhe është dërguar në spitalin e Burrelit, ndërsa më pas me helikopter është nisur drejt Tiranës, për të marrë një mjekim më të specializuar.

Por ndërhyrja e mjekëve në spitalin e Traumës nuk ka mjaftuar për të mbajtur në jetë 15-vjeçarin.