Ekipet e shpëtimit i kanë shpëtuar 484 emigrantë nga anijet në Detin Mesdhe dje pasdite, si dhe i kanë gjetur trupat e shtatë burrave që kishin vdekur në tentim për të arritur në Evropë, njofton roja bregdetare e Italisë.
Më shumë se 45.000 njerëz kanë mbërritur në Itali përmes anijes nga Afrika Veriore vetëm gjatë këtij viti, që përbën një rritje për më shumë se 40 për qind krahasuar me periudhën e njëjtë të vitit 2016, transmeton Express.
Mbi 1.222 persona kanë vdekur rrugës për të arritur në Evropë, sipas Organizatës Ndërkombëtare për Migrim.
Emigrantët janë shpëtuar nga katër anije të ndara të gomës nga marinsa dhe roja bregdetare e Italisë, si dhe nga një grup humanitar dhe dy anije private, njofton roja bregdetare e Italisë.
Roja bregdetare nuk ka dhënë detaje shtesë rreth kësaj ngjarjeje.
Shumica e emigrantëve që ia mësyjnë Italisë janë nga Afrika Sub-Saharane dhe Bangladeshi, të cilët i paguajnë trafikantët me bazë në Libi për t’ua organizuar kalimin në Itali./Express/
