Klodi Leka studion në Universitetin e Tiranës. I riu u ndalua nga policia e Tiranës së bashku me shokun e tij Bislim Lakna pasi u kapën duke shkruar në kazanët e plehrave në rrugën “Muhamed Gjollesha” emrat e Edi Ramës, Eduard Shalsit, etj.

I riu nga Mamurrasi është një aktivist i njohur në radhët e shoqërisë civile.

Atë e kemi parë të protestojë edhe kundër ndërtimit të këndit të lojërave të Liqeni Artificial apo dhe kundër ligjit të Arsimit të Lartë.

Leka ishte pjesë edhe e protestës përpara parlamentit kundër miratimit të ligjit që lejon importin e mbetjeve në vend.

Në një moment shpërthimi ai u është drejtuar qeveritarëve me plot gojë: “Na çatë trapin!” /lapsi.al/