Ish-këshilltari i Mustafës në Qeverinë e kaluar, Bajram Gecaj është habitur me qëndrimet e kryeministrit Haradinaj, i cili nuk ka përmendur që renditja e Kosovës në vendin e 40-të në të bërit biznes, është rezultat i punës së Qeverisë së kaluar.
Gecaj me anë të një postimi në facebook ka shkruar se “Kam pas menduar se neve nga ana e Dukagjinit na ka mbet një trohë burrëri e traditë”.
Postimi i plotë i Gecajt:
“Kryeministri Haradinaj: Renditja e Kosovës në vendin e 40-të në të bërit biznes lajm i mirë për vendin”
Kam pas menduar se neve nga ana e Dukagjinit na ka mbet një trohë burrëri e traditë…Si bre nuk ja qiti goja me e thënë së paku një fjali mbi atë se ky sukses është rezultat i Qeverisë Mustafa, dhe ta thotë ndonjë fjalë falënderimi në emër të popullit të cilin pretendon ta përfaqësoi.
