Një makinë është djegur në orët e para të ditës së sotme në qytetin e Vlorës.
Lajmin në fjalë e ka konfirmuar policia e Vlorës, e cila ka dhënë detaje lidhur me këtë ngjarje.
Mësohet se ngjarja ka ndodhur në lagjen ”Partizani”, ku makinës i është vënë zjarri në pjesën e përparme të saj, e cila është djegur pjesërisht një mjet.
Nga hetimet e para të policisë, dyshohet se zjarri në makinën tip ‘Benz’ në pronësi të 24-vjeçarit me iniciale M.F ka qenë i qëllimshëm.
Blutë e Vlorës kanë nisur hetimet për të identifikuar dhe arrestuar autorët e kësaj ngjarje.
Njoftimi policisë
Më datë 21.12.2017, rreth orës 01:40, Salla Operative Vlorë është njoftuar nga një telefonatë se në lagjen ”Partizani”, është djegur pjesërisht një mjet.
Shërbimet e Policisë kanë shkuar në vendngjarje ku kanë konstatuar të parkuar dhe pjesërisht të djegur në pjesën e përparme (tek goma) mjetin tip ”Benz”, në pronësi të shtetasit M.F., 24 vjeç.
Nga verifikimet paraprake dyshohet se tentativa e zjarrëvënies së mjetit të jetë e qëllimshme.
Grupi hetimor po punon për zbardhjen e plotë të rrethanave të ngjarjes dhe identifikimin e kapjen e autorit/ve.