Shpella e Gadimës e cila njihet edhe si fatësjellëse, gjendet në fshatin Gadime në afërsi të Lipjanit. E gjatë 1500 metra, kjo shpellë ofron pamje të mrekullueshme për vizitorët e saj, shkruan Gazeta Metro.

Shpella përbëhet nga 3 kate – kati i mesëm që është për vizitorë, kati nënujor dhe kati i sipërm.

Sapo hyni brenda saj, fillojnë pikat e ujit të rrjedhin mbi kokat e vizitorëve, të cilën cicëronët e shpellës, e konsiderojnë si shumë fatësjellëse.

Gjatë verës temperatura në brendi të shpellës është konstante 13 gradë celsius dhe gjatë dimrit 11-13 gradë.

Kristalet te rralla qe gjenden në këtë shpellë nuk gjenden në shumë vende botërore prandaj këto kristale kanë vlerë evropiane, nga madhësia e rritjes së kristalit në një cm për 30,000 vjet kjo tregon se shpella është e vjetër 80,000vjet.

Shpella e Gadimës është një prej lokacioneve më të vizituara në Kosovë, e cila ia vlenë të eksplorohet, pasi që iu ofron një eksperiencë të mrekullueshme.

Andaj edhe këtë verë, kushtoni një ditë ‘Shpellës fatësjellëse’, dhe mësoni gjëra të reja brenda saj./gazetametro.net