Një zjarr i madh ka përfshirë një restorant në zonën e plazhit në qytetin e Durrësit.
Flakët kanë shkrumbuar thuajse pjesën më të madhe të restorantit. Ngjarja ka ndodhur gjatë orëve të natës në rrugën “Pavarësia” në qytetin bregdetar.
Fatmirësisht nuk ka persona të lënduar. Dëmet materiale kanë qenë të mëdha. Mësohet se restoranti është në pronësi të një shqiptari të Maqedonisë.
Policia ndërkohë ka nisur hetimet për zbardhjen e shkaqeve të zjarrit.
