Shkencëtarët në SHBA-s kanë habitur botën duke deklaruar se janë gati të provojnë një eksperiment tek njeriu i cili mund të rezultoi i suksesshëm për sa i përket shpëtimit nga vdekja. Edhe pse duket shumë e pamundur, sipas asaj që deklarohet, edhe shkencëtarët e tjerë e kanë mbështetur këtë version.

Sipas asaj që raporton BBC, shkencëtari i cili është gati të të provoj këtë eksperiment dhe që jep siguri të lartë është David Robson nga Universiteti i Marylandit. Sipas tij, procedura radikale që përfshin zëvendësimin e gjakut të pacientit me ujë të ftohtë të kripur mund të sjellë në jetë njerëzit që janë në prag të vdekjes.

I tërë procesi nënkupton kullimin e gjakut nga trupi dhe uljen e temperaturës trupore mbi 20 gradë Celsius më poshtë temperaturës normale trupore. Pastaj gjaku përsëri “pompohet” dhe trupi gradualisht bëhet më i ngrohtë. Kur temperatura e trupit arrin në 30 gradë, zemra menjëherë punon.

“Ai nuk po e tepron aspak”- thotë kolegu i tij, Samuel Tisherman. Sipas tij, eksperimentet me shtazë kanë treguar se është e mundur për të mbajtur trupin në “gjendje të pezulluar” për disa orë.