Vladimir Putin në një takim të Këshillit për Marrëdhënie Ndëretnike ka thënë se nuk duhet të mbështetet në politikën evropiane ndaj emigrantëve, duke pretenduar në përdhunimin e një djali serb (10) në një pishinë në Austri.

“Gjykata e liroi një emigrant duke u bazuar në dy gjëra: migranti nuk fliste gjuhën e vendit dhe se ai nuk mund të kuptonte se djali e refuzoi”, tha Putin, duke shtuar se ai nuk mund ta kuptojë se “ku e kishin mendjen ata”, kur morën një vendim të tillë.

Presidenti rus shtoi se e ka të paqartë nëse ky veprim është bërë për shkak të “qenit fajtor ndaj emigrantëve” apo për diçka tjetër, përcjell Telegrafi.

Siç rikujtojnë mediat serbe, një djalë me origjinë serbe në një pishinë në Vjenë ishte përdhunuar nga një emigrant nga Iraku më 2 dhjetor të vitit 2015.

Po sipas medieve serbe, migranti pastaj kishte deklaruar se ai kishte nevojë të madhe, për shkak se me muaj të tërë nuk kishte pasur marrëdhënie seksuale.

Testi i psikiatrit sugjeron se djali, si pasojë e abuzimit, kishte përjetuar trauma, nga të cilat vuan edhe sot.

Gjykata rrëzoi aktgjykimin i cili e kishte dënuar atë me gjashtë vjet, për shkak se ai nuk e kishte kuptuar djaloshin se nuk dëshironte të kishte marrëdhënie me të. /Telegrafi/