Një video ka dalë në publik që tregon momentin kur aeroplani rus morri flakë gjatë aterrimit emergjent në aeroportin ndërkombëtar Sheremetyevo në Moskë.
Aksidenti ka lënë 41 persona të vdekur.
Pamjet që janë marrë nga një pasagjerë që ishte i ulur në anën e dritareve në aeroplan, tregojnë krahët e aeroplanit që janë kapluar nga flakët ndërsa brenda aeroplanit dëgjohen bërtima dhe të qara.
Në fund dëgjohet një zhurmë që tregon sinjalin e rripave të sigurisë.
Aeroplani Aeroflot SSJ100 po barte 73 pasagjerë si dhe pesë anëtarë të ekupiazhit dhe po nisej nga Moska drejt qytetit verior rus Murmansk. Nga 78 personat në bord vetëm 37 shpëtuan gjallë derisa shumica vdiqën nga asfiksimi prej tymit të tepërt. /Gazeta Express/